தொடர் விடுமுறையால் குளு, குளு நகரான கொடைக்கானலுக்கு ஏராளமான பயணிகள் வாகனங்களில் முகாமிட்டனர். இதையடுத்து நகரில் ஆங்காங்கே போக்குவரத்து நெரிசல் ஏற்பட்டது. இங்குள்ள ரோஜா, பிரையன்ட் பூங்காக்கள், கோக்கஸ்ர் வாக், வெள்ளி நீர்வீழ்ச்சி, மன்னவனூர் சுழல் சுற்றுலா மையம், பேரிஜம், உள்ளிட்ட பகுதிகளை சுற்றுலா பயணிகள் கண்டு ரசித்தனர். ஏரி சாலையில் குதிரை, சைக்கிள் சவாரி செய்தனர். போக்குவரத்து நெரிசலை கட்டுப்படுத்த ஆங்காங்கே போலீசார் கூடுதலாக நியமிக்கப்பட்டுள்ளனர்.