திண்டுக்கல் : 15-வது ஊதிய ஒப்பந்தத்தை அமல்படுத்த வேண்டும் என்பது உள்ளிட்ட 6 அம்ச கோரிக்கைகளை வலியுறுத்தி அரசுப் போக்குவரத்துக் கழகத் தொழிலாளர்கள் சார்பில் வேலைநிறுத்தப் போராட்டம் நடந்தது. அண்ணா போக்குவரத்து தொழிலாளர் சங்கம், அரசுப் போக்குவரத்துத் தொழிலாளர் சங்கம் சி.ஐ.டி.யு., உள்ளிட்ட அமைப்புகள் இந்த வேலைநிறுத்தப் போராட்டத்தில் பங்கேற்றது. அரசுப் போக்குவரத்துத் தொழிலாளர் சங்கத்தின் சி.ஐ.டி.யு., திண்டுக்கல் மண்டலத் தலைவர் ஜெயக்குமார், ஓய்வுப்பெற்றோர் நல அமைப்பின் சி.ஐ.டி.யு.,மண்டல பொதுச் செயலர் ராமநாதன் தலைமையில் வேலை நிறுத்தப் போராட்டத்துக்கு ஆதரவாக திண்டுக்கல் பஸ் ஸ்டாண்டில் மறியல் போராட்டம் நடந்தது. போராட்டத்தில் ஈடுபட்ட தொழிற்சங்கத்தினர் 85 பேரை போலீசார் கைது செய்தனர்.