- இக்கூட்டம் தலைவர் சிதம்பரம் தலைமையில் நடந்தது. துணைத்தலைவர் தர்மலிங்கம் முன்னிலை வகித்தார். செயல் அலுவலர் சரவணக்குமார் வரவேற்றார். தலைமை எழுத்தர் முருகேசன் தீர்மானங்கள் வாசித்தார்.

கவுன்சிலர்கள் விவாதம்

தலைவர்: புதுப்பட்டி, காமராஜபுரம் பொதுமக்கள் பயன்பாட்டிற்காக சமுதாய கூடத்திற்கு மாற்று இடம் தேர்வு செய்யப்பட்டுள்ளது. வருவாய் துறை ஒப்புதல் பெற்று பணிகள் துவங்கும்.

சின்னதுரை: அம்ருத் திட்டத்தில் தோண்டப்பட்ட தெருக்களை சீரமைக்க வேண்டும்.

தலைவர்: நடவடிக்கை எடுக்கப்படும்.

சிவகுமார்: புதுப்பட்டி அரசு மாணவியர் விடுதி அருகே வேளாண் குடியிருப்பு கட்டடங்கள் புதர் மண்டி உள்ளது. இதை பேரூராட்சி கையகப்படுத்த வேண்டும்.

தலைவர்: விதிமுறைப்படி செய்வோம்.

சைதத் நிஷா: விவேகானந்தர் நகர் பகுதி சாக்கடைகளை துார்வார வேண்டும்.

செயல் அலுவலர்: 15 வது மானிய குழு நிதியிலிருந்து சாக்கடை கட்டப்படும் என்றார்.