வைகை இலக்கியத்திருவிழாவானது இரு ஆண்டுகளாக மதுரையில் நடந்து வந்த நிலையில் நடப்பாண்டில் திண்டுக்கல்லில் நடத்தப்படும் என அறிவிக்கப்பட்டது.

அதன்படி இவ்விழா திண்டுக்கல் பி.எஸ்.என்.ஏ., கல்லுாரியில் நேற்று தொடங்கியது. பண்பாட்டரங்கம், வரலாற்றரங்கம் ஆகிய இரு அரங்கங்களுடன் 2 நாட்கள் நடக்க உள்ளன. புத்தகக் கண்காட்சி, பள்ளி, கல்லுாரி மாணவர்களின் புகைப்பட கண்காட்சி,ஓவிய கண்காட்சி, இலக்கிய சொற்பொழிவுகள், கலந்துரையாடல், கவிதை , இதோடு வினாடி வினா போட்டிகள், கலைநிகழ்ச்சிகள் நடக்க உள்ளன. இதை கலெக்டர் பூங்கொடி துவக்கி வைத்தார்.எம்.பி., சச்சிதானந்தம் முன்னிலை வகித்தார்.பொது நுாலக இயக்ககம் இணை இயக்குநர் இளங்கோ சந்திரகுமார்,மாவட்ட நுாலக அலுவலர் சரவணக்குமார் கலந்து கொண்டனர்.