காங்கேயம்:திருப்பூர் மாவட்டம் முத்துாரை சேர்ந்தவர் மகாலிங்க மகேந்திரா, 55; ஊத்துக்குளி அருகே குன்னத்துாரில் இன்ஜினியராக வேலை பார்த்தார். நேற்று முன்தினம் இரவு, வேலை முடிந்து ஊத்துக்குளி-படியூர் சாலையில் காரில் சென்றார். நொய்யல் பாலம் அருகே எதிரே வந்த டெம்போ மோதியதில் பலத்த காயமடைந்தார். மேல் சிகிச்சைக்காக திருப்பூர் அரசு மருத்துவமனைக்கு கொண்டு செல்லும் வழியில் இறந்தார். விபத்து குறித்து காங்கேயம் போலீசார் விசாரிக்கின்றனர்.