ஈரோடு மாவட்டத்தில் கிராமப்புற மாணவ,-மாணவியர் ஊரக திறனாய்வு தேர்வு(டிரஸ்ட்), முதலமைச்சரின் திறனாய்வு தேர்வு (டி.என்.சி.எம்.டி.எஸ்.இ), தேசிய வருவாய் வழி திறன் படிப்பு உதவி திட்ட தேர்வு(என்.எம்.எம்.எஸ்), நீட், தேசிய தேர்வு முகமையால் நடத்தப்படும் சி.யு.இ.டி(க்யுட்) தேர்வு, திறன் தேர்வு என மத்திய, மாநில அரசுகளின் ஊக்கத்தொகைக்கான போட்டி தேர்வுகள், நுழைவு தேர்வுகளில், 2025--2026ம் கல்வியாண்டில் சிறப்பாக பணியாற்றிய ஆசிரியை, ஆசிரியர்களுக்கு பாராட்டு விழா நேற்று ஈரோடு முதன்மை கல்வி அலுவலர் அலுவலகத்தில் நடந்தது.

மாவட்ட முதன்மை கல்வி அலுவலர் மான்விழி தலைமை வகித்து, 983 ஆசிரியர்களுக்கு பாராட்டு சான்றிதழ் வழங்கினார்.