ஈரோடுஈரோடு மாவட்டத்தில் எட்டு சட்டசபை தொகுதிகளில் வரும் ஏப்., 23ல் ஓட்டுப்பதிவு நடக்க உள்ளது. இதற்கான மின்னணு ஓட்டுப்பதிவு இயந்திரங்கள், அந்தந்த தொகுதிக்கு, சுழற்சி முறையில் நேற்று ஒதுக்கீடு செய்யும் பணி நடந்தது. மாவட்ட தேர்தல் நடத்தும் அலுவலர் கலெக்டர் கந்தசாமி தலைமையில், 2,379 ஓட்டுச்சாவடிகளுக்கான ஓட்டுப்பதிவு இயந்திரங்கள் (பேலட் யூனிட் - பி.யூ.,), கட்டுப்பாட்டு இயந்திரங்கள் (கன்ட்ரோல் யூனிட்-சி.யூ.,), வி.வி.பேட், தேர்தல் ஆணைய இணைய தளம் மூலம், முதற்கட்ட சுழற்சி முறையில் ஒதுக்கீடு செய்யப்பட்டது. இதில் அங்கீகரிக்கப்பட்ட அரசியல் கட்சி பிரதிநிதிகள் பங்கேற்றனர்.