ஈரோடு, அகில்மேடு மெயின் வீதியில் ஈரோ பிரியாணி கடை உள்ளது. இங்கு நேற்று காலை, 10:20 மணியளவில் வர்த்தக காஸ் சிலிண்டரை ரெகுலேட்டரில் இருந்து கழற்றி வேறு சிலிண்டருக்கு மாற்றியபோது, ரெகுலேட்டரில் இருந்த பின் சிலிண்டரில் சிக்கியது. இதனால் காஸ் கசிவு ஏற்பட்டு தீப்பிடித்தது.

சிலிண்டரின் மேல் பகுதியில் தீ கொழுந்து விட்டு எரிந்ததால் பதற்றம் ஏற்பட்டது. விரைந்து சென்ற ஈரோடு தீயணைப்பு துறையினர், தண்ணீரை பீய்ச்சி அடித்து, 10 நிமிடத்தில் சிலிண்டரில் ஏற்பட்ட தீயை அணைத்தனர்.