தாராபுரம் சாலை சி.எஸ்.ஐ., தேவாலயம் முன் துவங்கிய அமைதி பேரணி, பஸ் ஸ்டாண்ட் வரை சென்றது. காங்கேயம் நகர தி.மு.க., செயலர் சேமலையப்பன் தலைமை வகித்தார். பேரணி முடிவில் கருணாநிதி திருவுருப்படத்திற்கு மாலை அணிவித்து மலர் துாவி மரியாதை செலுத்தினர். தலைமை பொதுக்குழு உறுப்பினர் கார்த்திகேயன், காங்கேயம் தெற்கு ஒன்றிய செயலர் சிவானந்தன், வடக்கு ஒன்றிய செயலர் கருணைபிரகாஷ் உள்பட நிர்வாகிகள் கலந்து கொண்டனர்.