அந்தியூர், :பர்கூர் வனப்பகுதி மேற்குமலையில், தாமரைக்கரை, கொங்காடை ரோடு - தம்முரெட்டி வரை, சாலையை சீரமைக்க மக்கள் கோரிக்கை விடுத்தனர். இதன் அடிப்படையில் நபார்டு கிராம சாலை மேம்பாட்டு திட்டத்தில், 97.44 லட்சம் ரூபாய் மதிப்பில் சாலை அமைக்கும் பணியை, அந்தியூர் எம்.எல்.ஏ., வெங்கடாச்சலம் தொடங்கி வைத்தார். இதேபோல் கொங்காடை ரோடு முதல் கொங்காடை, பெரியூர், ஒசூர் வன எல்லை வரை, நபார்டு கிராம சாலை மேம்பாட்டு நிதியில், 1.77 கோடி ரூபாய் மதிப்பில், சாலை அமைக்கும் பணியையும் தொடங்கி வைத்தார்.