இதனால் கடும் சுகாதார சீர்கேடு ஏற்பட்டு, அருகில் வசிக்கும் மக்கள் பாதிக்கப்பட்டு வந்தனர். இந்நிலையில், நேற்று முன்தினம் இரவு, 9:00 மணிக்கு தொழிற்சாலை கழிவுகளை கொட்ட வந்த வாகனத்தை அப்பகுதி மக்கள் சிறைபிடித்தனர். தகவலறிந்து வந்த பள்ளிப்பாளையம் போலீசார், சம்பவ இடத்திற்கு வந்து நள்ளிரவு வரை பேச்சுவார்த்தை நடத்தினர். அப்போது, இனிமேல் தொழிற்சாலை கழிவுகள் கொட்டக்கூடாது; மீறி கொட்டினால் நடவடிக்கை எடுக்கப்படும் என, எச்சரிக்கை செய்யப்பட்டது. நீண்ட நாள் பிரச்னைக்கு தீர்வு ஏற்பட்டதால், அப்பகுதி மக்கள் நிம்மதியடைந்தனர்.