பள்ளி நிறுவனர் மோகனாம்பாள் தலைமை வகித்தார். தாளாளர் செந்தில்குமார் முன்னிலை வகித்தார். பள்ளி தலைவர் உமாதேவி வரவேற்றார். முதல்வர் ரீனா உமாசங்கர் ஆண்டறிக்கை வாசித்தார். விழாவில், சிறப்பு விருந்தினராக தனியார் தொலைக்காட்சி தொகுப்பாளர் கல்யாணி கலந்து கொண்டு, பல்-வேறு போட்டிகளில் வெற்றி பெற்ற மாணவ மாணவிகளுக்கு பரிசு வழங்கினார்.

மேலும் விழாவில், சென்ற ஆண்டு நடைபெற்ற சி.பி.எஸ்.இ., 10 மற்றும் 12-ம் வகுப்பு அரசு பொதுத் தேர்வில் முதலிடம் பிடித்த மாணவ மாணவிகளுக்கு பரிசு வழங்கப்பட்-டது. அவர்களது பெற்றோர்கள் கவுரவிக்கப்பட்டனர். விழாவில், பாரதி உற்சவ்-26 அவ்வை சொல்லும் அமுத மொழியும் என்ற தலைப்பில், தமிழர்களின் பெருமையை பறை சாற்றும் விதத்தில், ஆத்திச்சூடி வரிகளில் நடனங்கள் மற்றும் கலை நிகழ்ச்சி திரு-விழா போல் நடைபெற்றது. பெற்றோர், மாணவர்கள், பொது-மக்கள் என அனைவரையும் பெரிதும் கவரும் வகையில், மாண-வர்கள் தங்கள் கலைத் திறமையை வெளிப்படுத்தினர். விழாவில், மாணவர்களின் சாதனைக்காக வித்திட்ட ஆசிரியர்களுக்கு பாராட்டும், பரிசும் வழங்கி கவுரவிக்கப்பட்டனர்.