அங்கீகரிக்கப்பட்ட அரசியல் கட்சி பிரதிநிதிகள் பங்கேற்றனர். சட்டசபை தேர்தல் முன்னேற்பாடு பணி நடந்து வருகிறது. தேர்தலின் போது வேட்பாளர்களின் தேர்தல் செலவினங்களுக்கான விலை பட்டியல் தயாரிக்க வேண்டும்.

கடந்த சட்டசபை, லோக்சபா தேர்தலின் போது செலவினங்கள் வரையறுக்கப்பட்டுள்ளன. அத்துடன் தேர்தல் ஆணையமும் உத்தேச விலைப்பட்டியலை வழங்கி உள்ளது.

இவற்றை அங்கீகரிக்கப்பட்ட அரசியல் கட்சியினர் ஆய்வு செய்து, ஒவ்வொரு பொருட்கள், உணவு, கார் உள்ளிட்ட வாகன வாடகை, மின் விளக்கு உட்பட பிரசாரத்துக்கான பொருட்கள், தேர்தல் பணிமனை அலுவலக வாடகை, மைக்செட் உட்பட அனைத்து செலவுகளுக்கான தொகையை நிர்ணயித்து ஆலோசனை வழங்கலாம்.

அவற்றை தேர்தல் ஆணையத்தின் ஒப்புதலுடன் நிர்ணயித்து வெளியிடலாம் என அறிவுறுத்தப்பட்டது.