ADDED : நவ 30, 2025 02:04 AM
நிறம் மற்றும் எழுத்துரு அளவு மாற்ற
ஈரோடு, ஈரோடு மின் பகிர்மான வட்டம் சார்பில், பள்ளிகளில் ஆற்றல் மன்றம் (எனர்ஜி கிளப்) துவக்க விழா மற்றும் ஆற்றல் மன்ற ஒருங்கிணைப்பாளர்களுக்கான, மின் சிக்கனம் மற்றும் மின் பாதுகாப்பு, மின் திறன் விழிப்புணர்வு குறித்த நிகழ்ச்சி நடந்தது.
மின் பகிர்மான வட்ட தலைமை பொறியாளர் பாலசுப்பிரமணி தலைமை வகித்தார். மாவட்ட முதன்மை கல்வி அலுவலர் மான்விழி பங்கேற்றார். மாவட்டத்தில் ஏற்கனவே, 32 பள்ளிகளில் ஆற்றல் மன்றம் செயல்படுகிறது. புதிதாக, 32 அரசு, அரசு உதவி பெறும் பள்ளிகளில் ஆற்றல் மன்றம் உருவாக்குவதற்காக தலா, ஒரு ஒருங்கிணைப்பாளரை (ஆசிரியர்) தேர்வு செய்து அவர்களுக்கு பயிற்சி வகுப்பு நடந்தது.

