நடப்பாண்டு தேவைக்கு அதிகமாக மஞ்சள் தேக்கம் அடைந்ததால், விலை வீழ்ச்சி அடைந்து வருகிறது. கடந்த 18ம் தேதி லாரி வேலைநிறுத்தம் காரணமாக, ஒரு வாரம் மஞ்சள் மண்டிகளில் ஏலம் நடக்கவில்லை. அடுத்து ஒரு நாள் மட்டுமே சந்தை நடந்தது. பின்னர், வழக்கம் போல் சனி, ஞாயிறு இரண்டு நாள் விடுமுறை அளிக்கப்பட்டது, விடுமுறைக்கு பின், 29ம் தேதி சந்தை கூடியது. விரளி மஞ்சள் குவிண்டால் 5,299 ரூபாய்க்கும், கிழங்கு 4 1,689 ரூபாய்க்கும் விற்கப்பட்து. அதையடுத்து, 30ம் தேதி மஞ்சள் குவிண்டாலுக்கு 340 ரூபாய் அதிகரித்தது.

மீண்டும் ரம்ஜான், விநாயகர் சதுர்த்தி பண்டிகையை முன்னிட்டு, மஞ்சள் சந்தைகளுக்கு இரண்டு நாள் விடுமுறை அளிக்கப்பட்டது. நேற்று வழக்கம்போல், மஞ்சள் சந்தை நடந்தது. நேற்று குவிண்டாலுக்கு மேலும் 200 ரூபாய் குறைந்ததால் விவசாயிகள் பெரும் கவலைக்குள்ளாகி உள்ளனர். ஒழுங்கு முறை விற்பனைக் கூடத்தில் நேற்று முன்தினம் விரலி குவிண்டால் 5,639 ரூபாய்க்கு விற்றது; நேற்று 5,440 ரூபாயாக சரிந்தது. கிழங்கு 4,629க்கு விற்றது; 40 ரூபாய் அதிகரித்து 4,669 ரூபாய்க்கு விற்கப்பட்டது. ஈரோடு சொசைட்டியில் விரலி 100 ரூபாய் குறைந்து, 4,491 ரூபாய்க்கும், கிழங்கு 210 ரூபாய் குறைந்து, 4,098 ரூபாய்க்கும் விற்கப்பட்டது. வெளிமார்க்கெட்டில் விரலி, 4,506 ரூபாய்க்கும், கிழங்கு 4,234 ரூபாய்க்கும், கோபி சொசைட்டியில் விரலி 4,106 ரூபாய்க்கும், கிழங்கு 3,911 ரூபாய்க்கும், சேலம் சொசைட்டியில் விரலி 5,466 ரூபாய்க்கும், கிழங்கு 4,674 ரூபாய்க்கும் விற்கப்பட்டது.