பெருந்துறை: பெருந்துறை யூனியனில் ஒன்பது ஓட்டுசாவடிகள் பதட்டமானவை என கண்டறிப்பட்டுள்ளது.கள்ளியம்புதூர்: பெருந்துறை அ.தி.மு.க., ஒன்றிய செயலாளர் விஜயன், தி.மு.க., ஒன்றிய செயலாளர் சாமி, கம்யூனிஸ்ட் ஒன்றிய செயலாளர் திருநாவுக்கரசு, தே.மு.தி.க., ஒன்றிய செயலாளர் ராஜலிங்கம் ஆகியோர் யூனியன் வார்டு கவுன்சிலர் பதவிக்கு போட்டியிடுவதால், இங்குள்ள ஓட்டுச்சாவடி பதட்டமானதாக கருதப்படுகிறது.பெரியவேட்டுவபாளையம்: இங்கு 2011 சட்டசபை தேர்தலின் போது, போலீஸாருக்கும், பொதுமக்களுக்கும் இடையே மோதல் ஏற்பட்டது. போலீஸார் லேசாக தடியடி நடத்தினர். அங்குள்ள ஓட்டுச்சாவடியில் மீண்டும் பதட்டம் ஏற்படலாம் என்று கருதி, போலீஸார் கூடுதல் கவனம் செலுத்துகின்றனர்.சேர்வக்காரன்பாளையம்: மூங்கில்பாளையம் கிராம பஞ்சாயத்து தலைவர் பதவிக்கு அ.தி.மு.க., சார்பில் , பெரியப்பன் என்ற அருணாசலம் போட்டியிடுகிறார். தி.மு.க.சார்பில் அவர் தம்பி சின்னப்பன் என்கிற முத்துசாமி போட்டியிடுகிறார்.