சென்னிமலை, சென்னிமலை டவுன் அம்மாபாளையத்தில் வசிப்பவர் சண்முகசுந்தரம், 43; முருங்கத்தொழுவு ஊராட்சி தண்ணீர் பந்தலில், பனியன் வேஸ்ட் துணியை அரத்து பஞ்சாக மாற்றி நுால் தயாரிக்கும் ஓபன் என்ட் மில் வைத்துள்ளார். மில்லில் நேற்று மதியம் பஞ்சு குடோனில் தீப்பிடித்து மளமளவென்று பரவியது. இதைப்பார்த்து அதிர்ச்சி அடைந்த தொழிலாளர்கள் ஓட்டம் பிடித்தனர். சென்னிமலை தீயணைப்பு நிலைய வீரர்கள் தீயை கட்டுக்குள் கொண்டு வரும் முயற்சியில் ஈடுபட்டனர். பஞ்சு என்பதால் அருகிலிருந்த நுால் பேல்களிலும் பற்றி எரிந்தது.