ADDED : அக் 26, 2026 05:42 AM

அ நிறம் | அளவு
புன்செய்புளியம்பட்டி:புன்செய்புளியம்பட்டி
அடுத்த, கோவில்புதுாரில் உள்ள கரிவரதராஜபெருமாள் கோவில், கிருஷ்ண
தேவராயர் காலத்தில் கட்டப்பட்டது. சில ஆண்டுகளாக கோவிலில்,
திருப்பணிகள் நடந்து வருகிறது.
இந்நிலையில், ராஜகோபுரம்
கட்டும் பணிக்கான அடிக்கல் நாட்டு விழா நேற்று சிறப்பு பூஜையடன்
துவங்கியது. கோவில் திருப்பணி குழுவினர், இந்து சமய அறநிலையத்துறை
அதிகாரிகள் மற்றும் பொதுமக்கள் கலந்து கொண்டனர்.
இந்து சமய
அறநிலையத்துறை அதிகாரிகள் கூறுகையில், 'கரிவரதராஜ பெருமாள்
கோவிலில் மூலவர் சன்னிதி, உட்பிரகார மண்டபம், வளாகத்தை சுற்றி தளம்
அமைத்தல் உள்ளிட்ட திருப்பணிகள் நடந்து வருகிறது. ராஜகோபுரம் பணிகள்
முழுமையாக நிறைவடைந்த பின், கோவில் கும்பாபிஷேகம் நடத்த
திட்டமிடப்பட்டுள்ளது,' என்றனர்.
