இதுகுறித்து சமூக ஆர்வலர்கள் கூறியதாவது: வடமாநில தொழிலாளர்களால் ரேஷன் அரிசிக்கு கிராக்கி ஏற்பட்டுள்ளது. ஒதுக்கீடு குறைந்துள்ளதால், தாமதமாக ரேஷன் கடைக்கு வரும் மக்களுக்கு அரிசி கிடைப்பதில்லை. ஒரு சிலர் பல கார்டுகளுக்கு அரிசி வாங்கி விற்க துவங்கி விட்டனர். இவ்வாறு கூறினர்.

வட்ட வழங்கல் அதிகாரிகள் கூறுகையில், 'அரசு இலவசமாக வழங்கும் அரிசியை விற்பது,சட்டப்படி குற்றம். அரிசி விற்போர் மீது நடவடிக்கை பாயும். ரேஷன் அரிசி விற்பது தொடர்பாக தெரியவந்தால், ரேஷன் கடைகளில் எழுதப்பட்டுள்ள தொலைபேசி எண்களில் புகார் செய்யலாம்' என்றனர்.