சாணார்பதியில் குறுகிய திருப்பத்தால் விபத்து அபாயம்

கோபி, ஜூலை 10கோபி அருகே முருகன்புதுாரை கடந்து, பிரதான அத்தாணி சாலையில், சாணார்பதி கிராமம் பகுதியில் குறுகிய திருப்பம் உள்ளது. தினமும் அவ்வழியே அசுர வேகத்தில் வாகனங்கள் செல்கின்றன. இதனால் அப்பகுதியில் விபத்து அபாயம் ஏற்பட்டுள்ளது. குறிப்பாக இரவு நேரத்தில், விபத்து அபாயம் ஏற்பட்டுள்ளது. எனவே பெரும் விபத்து நடக்கும் முன், அப்பகுதியில் நெடுஞ்சாலைத்துறை சார்பில், வேகத்தடை அமைக்க வாகன ஓட்டிகள் தரப்பில் கோரிக்கை விடுத்துள்ளனர்.