காங்கேயம், திருப்பூர் மாவட்டம் காங்கேயத்தை சேர்ந்தவர் சிவராஜ் கார்த்திகேயன், 53; காங்கேயத்தில் தனியார் வே பிரிட்ஜ் அருகே சின்னசாமி என்பவருக்கு சொந்தமான இடத்தை, 2007ம் ஆண்டு, 25 ஆண்டுகளுக்கு ஒப்பந்த பத்திரம் போட்டுள்ளார். அந்த இடத்தில் ஓட்டல் கட்டி நடத்தி வந்துள்ளார். சின்னசாமி இறந்ததால், அவரது உறவினர் மயில்சாமிக்கு சொத்து மாற்றம் செய்யப்பட்டுள்ளது. இதையடுத்து ஓட்டல் இடத்தை காலி செய்ய, மயில்சாமி தரப்பினர் சிவராஜ் கார்த்திகேயனுக்கு நெருக்கடி தந்துள்ளனர். இதுகுறித்து சிவராஜ் கார்த்திகேயன், 2022 ஜூலையில் மாவட்ட உரிமையியல் நீதிமன்றத்தில் வழக்கு தொடர்ந்தார்.