ஈரோடு: ஈரோடு மாநகர் மாவட்ட அ.தி.மு.க., சார்பில், மொழிப்போர் தியாகிகளுக்கான வீர வணக்க நாள் பொதுக்கூட்டம் நேற்று நடந்தது. மாநகர் மாவட்ட மாணவரணி செயலாளர் ரத்தன் பிரத்வி வரவேற்றார். முன்னாள் அமைச்சர் பி.சி.ராமசாமி, முன்னாள் எம்.எல்.ஏ., தென்னரசு ஆகியோர் முன்னிலை வகித்தனர். தலைமை கலைப்பிரிவு செயலாளர் சினிமா இயக்குனர் உதயகுமார் பேசினார். மாவட்ட செயலாளர் ராமலிங்கம் தலைமை வகித்து பேசினார். கூட்டத்தில் முன்னாள் எம்.பி., செல்வகுமார சின்னையன், பகுதி செயலாளர்கள் மனோகரன், ஜெகதீசன், கேசவமூர்த்தி, தங்கமுத்து, ஜெயராஜ், ராமசாமி உட்பட பலர் பங்கேற்றனர்.