கடந்த, 2018 டிச.,10ம் தேதி இரவு, 8:00 மணிக்கு வீட்டில் தனியாக அருக்காணி இருப்பதை அறிந்து சென்றார். வட்டிக்கு பணம் கேட்பது போல் நடித்து, அவரை கொலை செய்து, தாலிக்கொடி, தாலிக்குண்டு, தாயத்து என ஐந்தேகால் பவுன் நகையை கொள்ளையடித்து சென்றார். கொடுமுடி போலீசார் மாரிமுத்துவை கைது செய்தனர்.

ஈரோடு மகிளா நீதிமன்ற நீதிபதி ஸ்ரீசொர்ணகுமார் வழக்கை விசாரித்து, அத்துமீறி வீட்டுக்குள் நுழைந்ததற்கு, 10 ஆண்டு சிறை தண்டனை, 5,000 ரூபாய் அபராதம், கொலை செய்ததற்கு, ஆயுள் தண்டனை, 5,000 ரூபாய் அபராதம், நகைகளை கொள்ளை அடித்ததற்காக, 10 ஆண்டுகள் சிறை தண்டனை, 5,000 ரூபாய் அபராதம், ஆதாரங்களை அழிக்க முயன்றதற்காக, 3 ஆண்டுகள் சிறை தண்டனை, 5,000 ரூபாய் அபராதம் விதித்து தீர்ப்பளித்தார். மாரிமுத்துவுக்கு ஆயுள் தண்டனையுடன், 23 ஆண்டு சிறை தண்டனை, 20,000 ரூபாய் அபராதம் விதிக்கப்பட்டது. வழக்கில் அரசு தரப்பில் வக்கீல் ஜெயந்தி வாதாடினார்.