ஈரோடு மாவட்டத்தில் அனைத்து உள்ளாட்சி அமைப்புகளில், 10,000க்கும் மேற்பட்ட தொழிலாளர்கள் பணி செய்கின்றனர். இவர்களில், 80 சதவீதம் பேர் அவுட் சோர்சிங் பெயரில் தினக்கூலி தொழிலாளர்களாக பல ஆண்டாக பணி செய்கின்றனர். இவர்களுக்கு அரசு நிர்ணயித்த குறைந்த பட்ச ஊதியம் வழங்கப்படுவதில்லை. பி.எப்., - ஈ.எஸ்.ஐ., உள்ளிட்ட சமூக பாதுகாப்பு திட்டங்கள் செயல்படுத்துவதில்லை. அனைத்து நிலைகளிலும் ஒப்பந்த தொழிலாளர் முறையை ரத்து செய்து, நிரந்தர பணியாளர்கள் நியமிக்கப்பட வேண்டும் என்பது உள்பட தீர்மானம் நிறைவேற்றினர். இக்கோரிக்கையை வலியுறுத்தி வரும், 8ல் கவன ஈர்ப்பு ஆர்ப்பாட்டம் நடத்த முடிவு செய்தனர்.