ஈரோடு: ஈரோடு லோக்சபா தொகுதி தேர்தலை முன்னிட்டு ஊடக மையம், ஊடக சான்றளிப்பு கண்காணிப்பு குழுவினருக்கான ஆலோசனை கூட்டம் நடந்தது. கலெக்டர் ராஜகோபால் சுன்கரா தலைமை வகித்தார். இதில் ஊடக மைய உறுப்பினர்களான பி.ஆர்.ஓ., அலுவலக பணியாளர், ஊடக சான்றளிப்பு மற்றும் கண்காணிப்பு குழு உறுப்பினர்கள், ஈரோடு மாவட்ட அச்சகத்தினர் பங்கேற்றனர். கலெக்டர் பேசியதாவது: பத்திரிகை, ரேடியோ, 'டி.வி.,' உள்ளிட்ட ஊடகங்களில் வெளியாகும் ஒலி, ஒளி வேட்பாளர்கள், கட்சிகள் சார்ந்த விளம்பரங்கள், செய்திகள், புகைப்படங்கள் கண்காணிக்கப்படும். அவற்றை வெளியிடும் முன், இக்குழுவில் தணிக்கை செய்து சான்று பெற்ற பின்னரே ஒலி, ஒளிபரப்ப வேண்டும்.