இதன் அருகே ஒரு பயன்பாடற்ற எடைக்கு போடும் நிலையில் மினி லாரி நிறுத்தப்பட்டிருந்தது. நேற்று நண்பகலில் முட்புதரில் திடீரென தீப்பிடித்தது. காற்றின் வேகத்தால் தீ மளமளவென பரவி மினி லாரியிலும் பற்றியது. ஈரோடு தீயணைப்பு நிலைய வீரர்கள் செல்லும் முன், அப்பகுதி மக்கள் தண்ணீர் லாரியை வரவழைத்து தீயை கட்டுப்படுத்தினர். விபத்தில் மினி லாரி தீக்கிரையானது. தீ பிடித்ததற்கான காரணம் தெரியவில்லை.