'உங்களுடன் ஸ்டாலின்' திட்ட முகாம்களில் பெறப்படும் மனுக்கள் மீது உரிய, உடனடி நடவடிக்கை எடுக்க வேண்டும்.

முகாமுக்கு வரும் மக்களுக்கு அத்தியாவசிய தேவைகளை ஏற்படுத்தி தர வேண்டும். அத்திக்கடவு - அவிநாசி திட்டத்தில் அனைத்து குளம், குட்டைகளுக்கும் நீர் சென்றடைவதையும், கீழ்பவானி, காளிங்கராயன் வாய்க்காலில் துார்வாரும் பணியை விரைவுபடுத்தி தண்ணீர் திறக்க தயாராக வேண்டும், என அமைச்சர் கேட்டு கொண்டார். பிற துறைகளில் நடந்து வரும் பணிகளை விரைவுபடுத்த கேட்டு கொண்டார். எம்.எல்.ஏ.,க்கள் வெங்கடாசலம், சந்திரகுமார், மேயர் நாகரத்தினம், எஸ்.பி., சுஜாதா, டி.ஆர்.ஓ., சாந்தகுமார் உட்பட பலர் பங்கேற்றனர்.