அந்த வாலிபர் தப்பி ஓடிய நிலையில், அப்போது நடந்து சென்ற காந்தியை, அவர் என நினைத்து, போதையில் இருந்த நால்வரும், கம்பியால் சரமாரியாக தாக்கினர். அவர் சத்தமிடவே அக்கம்பக்கத்தினர் ஓடி வர கும்பல் ஓட்டம் பிடித்தது. மேல் சிகிச்சைக்காக சேலம் அரசு மருத்துவ கல்லுாரி மருத்துவமனைக்கு அனுப்பி வைக்கப்பட்ட காந்தி, நேற்று முன்தினம் இரவு இறந்தார்.

இது தொடர்பாக வீரப்பன்சத்திரத்தை சேர்ந்த அரவிந்த், 29, சந்தோஷ், 20, நந்தேஸ்வரன், 23, மற்றும் 17 வயது சிறுவனை, வீரப்பன்சத்திரம் போலீசார் கைது செய்தனர். கோவை கூர்நோக்கு இல்லத்தில் சிறுவனையும், ஈரோடு கிளை சிறையில் மூவரையும் அடைத்தனர்.

தாக்குதலுக்கு ஆளானவர் இறந்ததால், வழிப்பறி வழக்குடன் நான்கு பேர் மீதும் கொலை வழக்கும் பதிவு செய்யப்படும் என போலீசார் தெரிவித்தனர்.