திருப்பூர் ஸ்ரீவீரராகவப்பெருமாள் கோவில் வளாகத்தில் நடந்த நிகழ்ச்சிக்கு, அறநிலையத்துறை உதவி கமிஷனர் தமிழ்வாணன் தலைமை வகித்தார். அலுவலக தலைமை எழுத்தர் சாந்தி வர-வேற்றார். அறங்காவலர் மாவட்ட குழு தலைவர் சுப்பிரமணியம் உள்ளிட்டோர், ஒருகால பூஜை திட்ட கோவில் அர்ச்சகர் மற்றும் பூசாரிகளுக்கு, இரண்டு வேட்டி மற்றும் இரண்டு துண்டு வழங்-கினர்.

தமிழ்வாணன் பேசுகையில், ''தமிழக அரசின், ஒரு கால பூஜை திட்டத்தில், மாவட்டத்தில், 575 கோவில்களில் பூஜை நடந்து வருகிறது. தலா, 2.50 லட்சம் ரூபாய் 'டிபாசிட்' செய்து, அதிலி-ருந்து கிடைக்கும் வட்டி தொகையில், ஒருகால பூஜை நடந்து வருகிறது.

அர்ச்சகர்கள், டூ வீலர் வாங்கினால், 12 ஆயிரம் ரூபாய் மானியம் வழங்கப்படும். குழந்தைகள், பட்டம் படிக்கும் போது, ஆண்-டுக்கு, 10 ஆயிரம் ரூபாய் கல்வி உதவியாக வழங்கப்படுகிறது. அரசு திட்டத்தை தகுதியானவர்கள் பயன்படுத்திக்கொள்ளலாம். தற்போது, 575 கோவில் அர்ச்சகர்களுக்கும், வேட்டி துண்டு 2 செட் வழங்கப்பட்டு வருகிறது,'' என்றார்.