ஈரோடு::ஈரோட்டில், மாநகராட்சி, நகராட்சி நிர்வாகம் சார்பில் குடிநீர் திட்டப்பணிகள், திடக்கழிவு மேலாண்மை, திட்டப்பணிகள் குறித்த ஆலோசனை கூட்டம் ஈரோட்டில் நேற்று நடந்தது. கலெக்டர் கந்தசாமி தலைமை வகித்தார். கோடை காலத்தில் மக்களுக்கு தடையின்றி குடிநீர் வினியோகம் செய்ய வேண்டும். குடிநீர் திட்டங்களின் கீழ் வினியோகம் செய்யப்படும் குடிநீர் அளவு, நிலுவையில் உள்ள குடிநீர் திட்டப்பணிகளை விரைந்து முடித்து, உறுதி செய்ய வேண்டும். திடக்கழிவு மேலாண்மை திட்டப்பணிகளை முழுமையாக செயல்படுத்துவது உள்பட பல்வேறு யோசனை தெரிவித்தார். கூட்டத்தில் மாநகராட்சி ஆணையர் அர்பித் ஜெயின் உட்பட பலர் பங்கேற்றனர்.