தாராபுரம், தாராபுரம்-பழனி சாலையில், திருப்பூர், திண்டுக்கல் மாவட்ட எல்லை பகுதியில், மணக்கடவு கிராமத்தை சேர்ந்த பச்சாபாளையம் உள்ளது. இங்கு, 300க்கும் மேற்பட்ட மக்கள் வசிக்கின்றனர். இங்குள்ள சிறு குன்றை, சில தினங்களுக்கு முன் கனிம வளத்துறையினர் ஆய்வு செய்து, ஏலம் விட முடிவெடுத்தனர். இதையறிந்த அப்பகுதி மக்கள் நுாற்றுக்கும் மேற்பட்டோர், இந்து முன்னணி கோட்ட செயலாளர் கோவிந்தராஜ் தலைமையில், தாராபுரம் ஆர்.டி.ஓ., அலுவலகத்தில் நேற்று காலை திரண்டனர். ஆர்.டி.ஓ. பெலிக்ஸ் ராஜாவிடம், கல் குவாரி அமைக்கப்பட்டால், சுற்றுச்சூழல் மாசுபட்டு, நிலத்தடி நீராதாரம் பாதிக்கப்படும் என்று விளக்கினர்.