இந்நிலையில் நேற்று தொழிலாளர் துறை அதிகாரிகள், டாஸ்மாக் அதிகாரிகள் ஆகியோர், சி.ஐ.டி.யு., தொழிற்சங்க நிர்வாகிகளை அழைத்து முத்தரப்பு கூட்டம் நடத்தினர்.

ஏற்கனவே ஆட்கள் பற்றாக்குறை உள்ள நிலையில், காலி மது பாட்டில் திரும்ப பெறும் பணியை நிர்வாகம் திணிப்பதை கைவிட வேண்டும். வேறு அமைப்பு, நிர்வாகம் மூலம் பெற வலியுறுத்தினர்.

இதை ஏற்ற தொழிலாளர் துறை அதிகாரிகள் டிச.,2ல் மீண்டும் பேச்சுவார்த்தை நடத்தப்படும். அதுவரை காலி பாட்டில் திரும்ப பெறுவதை நிறுத்தி வைக்கவும் உத்தரவிட்டனர். இதனால் நேற்று அறிவிக்கப்பட்டிருந்த போராட்டமும் ஒத்தி வைக்கப்பட்டது.