ஈரோடு: தமிழகத்தில் பிளஸ் ௨ பொதுத்தேர்வு நேற்று தொடங்கியது. இதன்படி ஈரோடு மாவட்டத்தில், 106 மையங்களில் தேர்வு துவங்கியது. இதில், 265 பள்ளிகளை சேர்ந்த, 21,520 மாணவ, மாணவியர்; தனித்தேர்வர்களாக, 1,238 பேர் என, 22,758 பேர் எழுதினர். இவர்களில், 146 பேர் மாற்றுத்திறன் கொண்ட மாணவ, மாணவியர். தேர்வு பணியில், 106 முதன்மை கண்காணிப்பாளர், 113 துறை அலுவலர்கள், 175 பறக்கும் படை உறுப்பினர்கள் ஈடுபட்டனர். மொழிப்பாடங்களான தமிழ், சமஸ்கிருதம், ஹிந்தி ஆகிய பாடங்களுக்கான தேர்வு நடந்தது. 27 வழித்தட அலுவலர்கள், 1,320 அறை கண்காணிப்பாளர்கள், 4 தொடர்பு அலுவலர்கள் தேர்வு பணிகளை கண்காணித்தனர். தேர்வு மையங்களில் மாணவர்களை தவிர பிறர் அனுமதிக்கப்படவில்லை.