இதனால் காரில் வந்த ஐந்து பேரும் இறங்கி தப்பி ஓடினர். போலீசார் துரத்தியபோது அந்தியூர் சாலையில் காடையாம்பட்டி அருகே, 30 அடி பள்ளத்தில் குதித்த, ௧௭ வயது சிறுவன் காலில் அடிபட்ட நிலையில், போலீசாரிடம் சிக்கினான். இவனை பவானி அரசு மருத்துவமனையில் சிகிச்சைக்கு சேர்த்தனர். அதேசமயம் தப்பிய நான்கு பேரை போலீசார் தேடி வந்த நிலையில், இரு தினங்களுக்கு முன், 17 வயது சிறுவனை கைது செய்தனர். பவானி குற்றவியல் நடுவர் நீதிமன்றத்தில் ஆஜர்படுத்தி, கோவை கூர்நோக்கு இல்லத்தில் அடைத்தனர். இதனிடையே பவானி அரசு மருத்துவமனையில் சிகிச்சை பெற்ற, 17 வயது சிறுவனை போலீசார் நேற்று, பவானி குற்றவியல் நடுவர் நீதிமன்றத்தில் ஆஜர்படுத்தினர். அவர் உத்தரவுப்படி அதே கோவை கூர்நோக்கு இல்லத்தில் அடைத்தனர். மற்ற மூன்று பேரை தேடி வருகின்றனர். இந்த விவகாரத்தை பொறுத்தவரை, இதுவரை போலீசாரின் நடவடிக்கை மர்மமாகவே உள்ளதாக, மக்கள் மத்தியில் குற்றச்சாட்டு எழுந்துள்ளது.