கடந்த ஆண்டு மே மாதம் நடந்த, யு.பி.எஸ்.சி., தேர்வுகளில், நாடு முழுவதும் பலர் பங்கேற்றனர். இதில் வெளியான தேர்வு முடிவுகளில், திருப்பூர் மாவட்டம், தாராபுரத்தை அடுத்த குண்டடம், வெறுவேடம்பாளையத்தை சேர்ந்த விவசாயி சந்திரசேகர், ராஜேஸ்வரி தம்பதியரின் மகள் மோகன தீபிகா, 23, வெற்றி பெற்று, 617வது இடத்துக்கு வந்தார். அவருக்கு கிராம மக்கள் மற்றும் உறவினர்கள் வாழ்த்து தெரிவித்தனர். மோகன தீபிகாவின் தம்பி செல்வதீபக், 20, கோவையில் தனியார் கல்லூரியில் பி.காம். படித்து வருகிறார்.