மழையால் அம்மாபேட்டை-அந்தியூர் சாலை அண்ணாநகரில் சாலையோர வேப்பமரம் முறிந்து சாலையில் விழுந்தது. அம்மாபேட்டை போலீசார் மற்றும் அந்தியூர் தீயணைப்பு நிலைய வீரர்கள் ஒரு மணிநேரம் பேராாடி மரத்தை அப்புறப்படுத்தும் பணியில் ஈடுபட்டனர். இதனால் ஒரு மணி நேரம் போக்குவரத்து பாதிக்கப்பட்டது.

* பர்கூர் மலை மற்றும் ஊசிமலை, துருஷ்ணாம்பாளையம், தட்டக்கரை, தாமரைக்கரை சுற்று வட்டார பகுதிகளில் நேற்று மதியம், 2:30 மணிக்கு தொடங்கிய மிதமான மழை, ஒன்றரை மணி நேரம் இடைவிடாமல் பெய்தது.

இதேபோல் அந்தியூர் மற்றும் சுற்று வட்டார பகுதிகளான மைக்கேல்பாளையம், சங்கராப்பாளையம், மந்தை, வட்டக்காடு, பிரம்மதேசம், பச்சாபாளையம் உள்ளிட்ட இடங்களில், மாலை, 5:30 மணிக்கு தொடங்கிய மிதமான மழை அரை மணி நேரம் கொட்டி தீர்த்தது.