அந்தியூர்: அந்தியூர் அருகேயுள்ள ஒலகடம் தாண்டாம்பாளையம், நல்லதம்பிபாளையம் காட்டுக்கொட்டாயை சேர்ந்த மூதாட்டி காவேரி, 82; கூலி தொழிலாளி. உடல் நலக்குறைவால் நேற்று முன்தினம் மாலை இறந்தார். இப்பகுதியில் இறந்தவர்களை மயானத்தில் அடக்கம் செய்ய, பட்டா நில வண்டிப்பாதையை பயன்படுத்தி வந்தனர். ஒராண்டுக்கு முன் வண்டிப்பாதை உரிமையாளருக்கும், இவர்களுக்கும் பிரச்னை ஏற்பட்டதால், வண்டிப்பாதை வழியை கம்பி வேலி அமைத்து தடுத்தார்.