சத்தியமங்கலம் சுற்று வட்டார பகுதிகளில், நேற்று காலை முதலே வெயில் வாட்டி வதைத்தது. திடீரென மாலை 5:45 மணிக்கு மழை பெய்ய துவங்கியது. 1 மணி நேரம் வரை மழை பெய்ததால், தாழ்வான பகுதிகளில் தண்ணீர் வழிந்தோடியது. நகர பகுதியில் ஆங்காங்கே பாதாள சாக்கடைக்கு தோண்டிய பள்ளங்கள், குடிநீர் குழாய் பதிக்க தோண்டிய குழிகளில் மழை நீர் குளம் போல் தேங்கியது. வடக்கு பேட்டை பகுதியில் உள்ள சாலைகளில், மழை நீர் தேங்கியதால் நடந்து செல்வோர் அவதிப்பட்டனர்.