ஈரோடு மாவட்டத்தில் அக்னி நட்சத்திர வெயில் சுட்டெரித்து வருகிறது. இந்நிலையில் நேற்று மாலை மாநகரில் லேசான காற்று வீச துவங்கியது. பின்னர் பலத்த இடி, மின்னல் அடித்தது. 2 மணி நேரத்துக்கு மேல் இந்நிலை நீடித்தது.

இந்நிலையில் ஈரோடு மாநகர், கொடுமுடி, மொடக்குறிச்சியில் லேசான சாரல் மழை ஐந்து நிமிடங்கள் நீடித்து நின்று போனது. கடம்பூரில் மிதமான மழை பெய்தது. இரவு, 8:40 மணியளவில் ஈரோடு மாநகரில் மழை கொட்ட துவங்கியது. இதனால் தாழ்வான பகுதிகளில் மழை நீர் தேங்கியது. சாக்கடைகளில் மழை நீர் வெள்ளமென பெருக்கெடுத்தது. குளிர் காற்று, மழையால் இதமான சூழல் நிலவியது.