ஓட்டுச்சாவடிக்கு சென்றதும் செய்ய வேண்டிய வழிமுறை, ஓட்டுப்பதிவு இயந்திரங்களை கையாள்வது குறித்து விளக்கம் அளித்து, கடைபிடிக்க வேண்டிய வழிமுறை குறித்து அறிவுறுத்தப்பட்டது. பயிற்சி முகாம் நடந்த இடத்தில் மாதிரி ஓட்டுசாவடி மையம் அமைக்கப்பட்டு செயல் விளக்கமும் அளிக்கப்பட்டது. கோபி தொகுதிக்கான முகாம், கோபி பழனியம்மாள் பெண்கள் மேல்நிலை பள்ளியில் நடந்தது. முகாமை கலெக்டர் கந்தசாமி பார்வையிட்டார்.

மொடக்குறிச்சி தொகுதிக்கான முகாம் மொடக்குறிச்சி அரசு பெண்கள் மேல்நிலை பள்ளி, பெருந்துறை தொகுதிக்கான முகாம் பெருந்துறை கொங்கு வேளாளர் மெட்ரிக் மேல்நிலை பள்ளி, பவானி தொகுதிக்கான முகாம் பவானி அரசு பெண்கள் மேல்நிலை பள்ளி, அந்தியூர் தொகுதிக்கான முகாம் அந்தியூர் மங்களம் மெட்ரிக் மேல்நிலை பள்ளி, பவானிசாகர் (தனி) தொகுதிக்கான முகாம் சத்தியமங்கலம் காமதேனு கலை அறிவியல் கல்லுாரியிலும் நடந்தது.