கல்வராயன் மலையில் உள்ள வராம், கெடார் உள்ளிட்ட கிராமங்களில், கரியாலுார் போலீசார் நேற்று காலை சாராய சோதனை செய்தனர்.

அப்போது வராமை சேர்ந்த, சடையன் மகன் ஏழுமலை, 40; என்பவருக்கு சொந்தமான நிலத்தில் உள்ள கொட்டகையில் சாக்கு மூட்டைகளில், சாராயம் காய்ச்ச 1,850 கிலோ நாட்டு வெல்லம் மறைத்து வைக்கப்பட்டிருந்தது தெரிந்தது. அதை உடனடியாக பறிமுதல் செய்த போலீசார், வழக்குப்பதிந்து தப்பி ஓடிய, ஏழுமலையை தேடி வருகின்றனர்.