உளுந்துார்பேட்டை அடுத்த செங்குறிச்சியைச் சேர்ந்தவர் முருகன் மகன் முருகதாஸ், 21; டிரைவர். இவர் நேற்று காலை, மினி டெம்போவில் காலி பால் கேன்களுடன் தியாகதுருகத்தில் இருந்து உளுந்துார்பேட்டை நோக்கி மினி டெம்போவை ஓட்டி வந்தார். 11:15 மணியளவில் ஒலையனுார் அருகே போது, கடலுார் மாவட்டம் மங்கலம்பேட்டையைச் சேர்ந்த முகமதுஅலி, 42; என்பவர் ஓட்டி வந்த ஆட்டோ மினி டெம்போ மீது நேருக்கு நேர் மோதியது. இதில், இரு வாகனங்களும் கவிழ்ந்தன.

விபத்தில் முருகதாஸ், முகமது அலி ஆகியோர் படுகாயமடைந்தனர். உடன் உளுந்துார்பேட்டை அரசு மருத்துவமனையில் சேர்க்கப்பட்டனர்.

உளுந்துார்பேட்டை போலீசார் விசாரணை நடத்தி வருகின்றனர்.