கள்ளக்குறிச்சி மதுவிலக்கு அமலாக்கபிரிவு இன்ஸ்பெக்டர் கவிதா தலைமையிலான போலீசார், கல்வராயன்மலையில் இருந்து ஆத்துார் செல்லும் இணைப்பு சாலையில் நேற்று அதிகாலை 5 மணியளவில் வாகன தணிக்கையில் ஈடுபட்டனர். அப்போது, அவ்வழியாக வந்த, யமகா பைக்கினை நிறுத்தி சோதனை செய்தனர்.

அதில், தெருப்புளி கிராமத்தை சேர்ந்த சுப்ரமணி மகன் காமராஜ்,45; பெருமாள் மகன் அருள்,32; ஆகிய இருவரும் லாரி டியூப்பில் சாராயம் கடத்தி சென்றது தெரிந்தது. தொடர்ந்து, இரண்டு பேரையும் கைது செய்து 60 லிட்., சாராயம் மற்றும் பைக் ஆகியவற்றை மதுவிலக்கு அமலாக்க பிரிவு போலீசார் பறிமுதல் செய்தனர்.