உளுந்துார்பேட்டை அடுத்த எலவனாசூர்கோட்டை சப் இன்ஸ்பெக்டர் அரிகிருஷ்ணன் தலைமையில் உளுந்துார்பேட்டை போலீஸ் சந்தோஷ்குமார், திருநாவலுார் கோபால் ஆகியோர் கொண்ட தனிப்படை போலீசார் கஞ்சா விற்பவர்களை தேடும் பணியில் ஈடுபட்டனர்.

நேற்று மதியம் 1.45 மணியளவில் உளுந்துார்பேட்டை கடை வீதியில் போலீசார் சென்றபோது, சந்தேகப்படும்படியாக மூன்று நபர்கள் சுற்றி திரிந்தனர். அவர்களை போலீசார் பிடித்து விசாரணை செய்தனர்.

விசாரணையில் உளுந்தூர்பேட்டை தாலுகா இலுப்பையூர் பகுதியைச் சேர்ந்த ஏழுமலை மகன் தேவா 18, மதியனுார் பகுதியை சேர்ந்த ராஜா மகன் தமிழரசன் 18, ராமலிங்கம் மகன் நிஷாந்த் 19 ஆகியோர் என தெரியவந்தது.மேலும் அவர்கள் இடுப்பில் கத்தியுடன் சுற்றி வந்தது தெரியவந்தது.

அதன் பேரில் கத்தியை போலீசார் பறிமுதல் செய்து போலீஸ் நிலையத்தில் ஒப்படைத்தனர். உளுந்துார்பேட்டை போலீசார் வழக்குப் பதிந்து தேவா, தமிழரசன், நிஷாந்த் ஆகிய 3 பேரை கைது செய்தனர்.