சங்கராபுரம் இன்ஸ்பெக்டர் வினாயகமுருகன் நேற்று அதிகாலை ரோந்துப்பணியில் ஈடுபட்ட அப்போது, மைலாம்பாறையில் ஆட்டோவில் சந்தேகப்படும்படி இருந்த நபர்களை பிடிக்க முயன்றபோது, தப்பியோடினர். போலீசார் அவர்களை துரத்திச் சென்றதில் 4 பேர் பிடிபட்டனர். 2 பேர் தப்பியோடினர்.

பிடிபட்டவர்களிடம் நடத்திய விசாரணையில், சங்கராபுரம் பகுதிகளில் கூட்டுக் கொள்ளையடிக்க திட்டமிட்டு ஆட்டோவில் செல்ல காத்திருந்தது தெரியவந்தது.

அதனைத் தொடர்ந்து, சங்கராபுரம் நாராயணன் மகன் ஆனந்தராசு, 44; கோவிந்தன் மகன் ராஜா, 27; சீர்காழி ராமலிங்கம் மகன் கார்த்திகேயன், 42; வடசேமபாளையம் உஸ்மான் அலி மகன் முகமது ரபிக், 36; ஆகிய 4 பேரை கைது செய்து வீச்சரிவாள், கத்தி, மற்றும் ஆட்டோ ஆகியவற்றை பறிமுதல் செய்தனர்.

மேலும், தப்பியோடிய புதுச்சேரி, அரியாங்குப்பம் ராஜேஷ், வடசொரலுார் பன்னீர்செல்வம் ஆகியோரை தேடி வருகின்றனர்.