மூங்கில்துறைப்பட்டு அடுத்த வடகீரனுாரை சேர்ந்த ஷர்புதீன் மகன் அமருல்லா, 25; இவரது நண்பர் இம்ரான், 28; இருவரும் மூங்கில்துறைப்பட்டில் உள்ள பிஸ்கெட் ஏஜென்சிஸ் கம்பெனியில் வேலை செய்து வருகின்றனர்.

இவர்கள் நேற்று முன்தினம் இரவு வேலையை முடித்துவிட்டு இரவு 2 மணியளவில் பைக்கில் மேல்சிறுவளூர் செல்லும் போது நிலை தடுமாறி கீழே விழுந்தனர். இதில் பலத்த காயமடைந்த அமருல்லா சம்பவ இடத்திலேயே இறந்தார். இம்ரான் கள்ளக்குறிச்சி அரசு மருத்துமனையில் சிகிச்சை பெற்று வருகிறார்.

விபத்து குறித்து வடபொன்பரப்பி போலீசார் வழக்கு பதிந்து விசாரித்துவருகின்றனர்.