கள்ளக்குறிச்சி அடுத்த தேவபாண்டலத்தைச் சேர்ந்தவர் சேட்டு மகன் இளையராஜா, 45; லாரி டிரைவர். இவர், சங்கராபுரம் அரசு குடிமைப் பொருள் கிடங்கில் இருந்து நேற்று 200 ரேஷன் அரிசி மூட்டைகளை லாரியில் ஏற்றிக்கொண்டு கரையாம்பாளையம் நோக்கிச் சென்றார். லாரியில் மூட்டை துாக்கும் தொழிலாளர்கள் 3 பேர் இருந்தனர்.

மாலை 5:00 மணியளவில் வாணாபுரம் அடுத்த ஓடியந்தல் அருகே சென்ற போது, டிரைவரின் கட்டுப்பாட்டை இழந்த லாரி, சாலையோர பள்ளத்தில் கவிழ்ந்து விபத்துக்குள்ளானது. அதிர்ஷ்டவசமாக டிரைவர் உட்பட 4 பேரும் காயமின்றி தப்பினர்.

தொடர்ந்து, அரிசி மூட்டைகள் மாற்று வாகனத்தில் ஏற்றி அனுப்பி வைக்கப்பட்டது. ஜே.சி.பி., இயந்திரம் மூலம் லாரி மீட்கப்பட்டது.