கள்ளக்குறிச்சி அடுத்த குச்சிக்காடு கிராமத்தை சேர்ந்தவர் சிதம்பரம், 52; இவர் கடந்த 9ம் தேதி டிஎண் 15 ஆர் 5626 என்ற பதிவெண் கொண்ட ஸ்பிளெண்டர் பிளஸ் பைக்கினை, கள்ளக்குறிச்சி பஸ்நிறுத்தம் பகுதியில் உள்ள தனியார் ரைஸ்மில் அருகே நிறுத்திவிட்டு சேலத்திற்கு சென்றுள்ளார். பின் மாலை 4 மணியளவில் வந்து பார்த்த போது பைக்கை காணாமல் அதிர்ச்சியடைந்து பல்வேறு இடங்களில் தேடியுள்ளார்.

எங்கு தேடியும் கிடைக்காததால் சிதம்பரம் போலீசில் புகார் அளித்தார். கள்ளக்குறிச்சி போலீசார் வழக்குப் பதிந்து விசாரிக்கின்றனர்.