திருக்கோவிலுார் அடுத்த குலதீபமங்கலம் கிராமத்தைச் சேர்ந்தவர் ராஜேஷ் மனைவி சரஸ்வதி, 35; நேற்று முன்தினம் இரவு புழுக்கத்தின் காரணமாக வீட்டின் கதவை திறந்து வைத்துவிட்டு குடும்பத்துடன் துாங்கிக் கொண்டிருந்தார். நேற்று அதிகாலை 2:00 மணி அளவில் சரஸ்வதி அணிந்திருந்த 4 சவரன் தாலிச் செயினை மர்ம நபர்கள் அறுத்துக் கொண்டு ஓடி விட்டனர்.

இதேபோல் அதி கிராமத்தைச் சேர்ந்த மோகன் மனைவி பானுப்ரியா, 24; துாங்கிக் கொண்டிருந்தபோது அவர் அணிந்திருந்த ஒரு சவரன் செயினை மர்ம நபர்கள் அறுத்துச் சென்றனர்.

இதுகுறித்து இருவரும் தனித்தனியாக கொடுத்த புகாரின் பேரில் மணலுார்பேட்டை போலீசார் வழக்குப்பதிந்து மர்ம நபர்களை தேடி வருகின்றனர்.