கள்ளக்குறிச்சி, சுந்தரவிநாயகர் கோவில் தெரு ராஜூ இருதயம்-தோல் மருத்துவமனை சார்பில், ஏமப்பேர் அரசு உயர்நிலைப்பள்ளி மாணவர்களுக்கு, 'தினமலர்-பட்டம்' இதழ் வழங்கும் நிகழ்ச்சி நடந்தது.

நிகழ்ச்சியில், ராஜூ மருத்துவமனை இருதய சிகிச்சை நிபுணர் டாக்டர் பாபு சக்கரவர்த்தி, தோல் சிகிச்சை நிபுணர் டாக்டர் இந்துபாலா ஆகியோர் பள்ளி மாணவர்களுக்கு பட்டம் மாணவர் பதிப்பினை வழங்கி பேசியதாவது;

பெண் பிள்ளைகள் தங்களின் தகுதிகளை வளர்த்துக்கொண்டு, தனது சொந்தக்காலில் நிற்க வேண்டும். ஒழுக்கத்துடன் கூடிய கல்வியால் மட்டுமே வாழ்க்கையில் வெற்றி பெற முடியும்.

மாணவர்கள் அனைவரும் மது மற்றும் போதை, பழக்கத்திற்கு ஆளாக மாட்டோம் என சத்தியம் ஏற்கவேண்டும். கல்வி அறிவுடன் பொது அறிவையும் வளர்த்துக்கொள்ள 'பட்டம்' இதழினை தினமும் படிக்க வேண்டும் என டாக்டர் இந்துபாலா கூறினார். வாரம்தோறும் பள்ளியில் நடக்கும் பட்டம் தொடர்பான போட்டியில் வெற்றி பெறும் மாணவர்களுக்கு பரிசு வழங்கப்படும் என டாக்டர் பாபு சக்கரவர்த்தி தெரிவித்தார்.

நிகழ்ச்சியில், பள்ளி தலைமை ஆசிரியர் விஷ்ணுமூர்த்தி, உதவி தலைமை ஆசிரியர் பாலுசாமி, ஆசிரியர்கள் பொன்னுசாமி, வாசுகுமார், பாலமுருகன், கலையரசி, முக்கனி, கமலா, அமுதா, கவிதா, வசந்தராணி, முருகேசன் உட்பட பலர் பங்கேற்றனர்.